Fayllarni boshqarish va .gitignore - Git va GitHub

Loyiha o'sgani sari fayllarni ko'chirish, o'chirish va ba'zilarini umuman Git dan yashirish kerak bo'ladi.

Faylni o'chirish #

Terminal

git rm eski-fayl.txt
git status

Natija

On branch main
Changes to be committed:
        deleted:    eski-fayl.txt

Terminal

git commit -m "Ishlatilmaydigan fayl o'chirildi"

rm va git rm farqi

Oddiy rm fayl.txt bilan o'chirsangiz, keyin git add fayl.txt yoki git add -A qilish kerak bo'ladi.

git rm ikkalasini birga bajaradi: faylni diskdan o'chiradi va o'chirishni sahnaga qo'yadi.

Kuzatuvdan chiqarish, lekin diskda qoldirish #

Terminal

git rm --cached maxfiy.env

Fayl diskda qoladi, lekin Git uni endi kuzatmaydi.

Bu eng ko'p kerak bo'ladigan buyruq

Parol yoki katta fayl tasodifan kommit qilinganda aynan shu ishlatiladi:

Terminal

git rm --cached .env
echo ".env" >> .gitignore
git commit -m ".env kuzatuvdan chiqarildi"

Lekin eski kommitlarda u hali ham turadi. Agar u parol bo'lsa, parolni albatta almashtiring - tarixdan o'chirish yetarli emas.

Papkani o'chirish #

Terminal

git rm -r eski-papka/

# Majburan (o'zgarishlar saqlanmagan bo'lsa ham)
git rm -f fayl.txt

Nomini o'zgartirish va ko'chirish #

Terminal

git mv eski-nom.php yangi-nom.php
git mv index.php manba/index.php

Terminal

git status

Natija

Changes to be committed:
        renamed:    index.php -> manba/index.php

Git nomni saqlamaydi

Aslida git mv shunchaki uch amalning qisqartmasi:

Terminal

mv eski.php yangi.php
git rm eski.php
git add yangi.php

Git nom o'zgarishini alohida saqlamaydi - u buni mazmun o'xshashligi bo'yicha taxmin qiladi. Shuning uchun faylni ko'chirib, bir vaqtda ichini ham ko'p o'zgartirsangiz, Git buni "o'chirish va yangi yaratish" deb ko'rsatishi mumkin.

`.gitignore` #

Har bir loyihada Git kuzatmasligi kerak bo'lgan fayllar bor:

To'g'ri .gitignore repozitoriyni toza va yengil saqlaydi

Loyiha ildizida .gitignore fayl yarating:

Natija

# Muhit sozlamalari
.env
.env.local
config/database.php

# Bog'liqliklar
node_modules/
vendor/

# Kompilyatsiya natijasi
dist/
build/
*.min.js
*.min.css

# Loglar
*.log
logs/
storage/logs/

# Kesh va vaqtinchalik
*.tmp
*.cache
.sass-cache/
storage/cache/

# Muharrir va IDE
.idea/
.vscode/
*.sublime-workspace
*.swp
*~

# Operatsion tizim
.DS_Store
Thumbs.db
desktop.ini

# Zaxira nusxalar
*.sql
*.zip
*.bak

Shablon qoidalari #

Naqsh	Nimani mos keladi
`fayl.txt`	Istalgan papkadagi shu nomli fayl
`/fayl.txt`	Faqat ildizdagi fayl
`papka/`	Papka va uning butun ichi
`*.log`	Barcha `.log` fayllar
`*.[oa]`	`.o` va `.a` fayllar
`hisobot?.txt`	`hisobot1.txt`, `hisobotA.txt`
`manba/**/test/`	`manba` ostidagi istalgan chuqurlikdagi `test`
`!muhim.log`	Istisno - bu faylni kuzat

Natija

# Barcha log fayllarni yashiramiz
*.log

# Lekin bu bittasini kuzatamiz
!muhim.log

# Barcha rasmlar
rasmlar/*

# Lekin logotip kerak
!rasmlar/logo.png

Istisno ishlamasligi mumkin

Agar papka butunlay chetlab o'tilgan bo'lsa, uning ichidagi faylni istisno qilib bo'lmaydi:

Natija

rasmlar/          # butun papka chetlab o'tildi
!rasmlar/logo.png # BU ISHLAMAYDI

To'g'ri variant - papka o'rniga uning ichidagilarni ko'rsatish:

Natija

rasmlar/*
!rasmlar/logo.png

Allaqachon kuzatilayotgan fayl #

.gitignore kuzatilayotgan faylga ta'sir qilmaydi

Agar fayl allaqachon kommit qilingan bo'lsa, uni .gitignore ga qo'shish hech nima o'zgartirmaydi - Git uni kuzatishda davom etadi.

Avval kuzatuvdan chiqarish kerak:

Terminal

git rm --cached fayl.log
echo "*.log" >> .gitignore
git commit -m "Log fayllar kuzatuvdan chiqarildi"

Butun kesh ni tozalash:

Terminal

git rm -r --cached .
git add .
git commit -m ".gitignore qoidalari qo'llanildi"

Tekshirish #

Terminal

# Nima uchun bu fayl chetlab o'tilyapti?
git check-ignore -v storage/logs/xato.log

Natija

.gitignore:12:*.log    storage/logs/xato.log

12-satrdagi *.log qoidasi sabab bo'lgan.

Terminal

# Chetlab o'tilgan fayllarni ko'rish
git status --ignored

# Kuzatilayotgan fayllar ro'yxati
git ls-files

Bo'sh papka masalasi #

Git bo'sh papkani saqlamaydi

Git fayllarni kuzatadi, papkalarni emas. Bo'sh papka kommit qilinmaydi.

Agar papka tuzilmasi kerak bo'lsa (masalan, storage/cache/), ichiga .gitkeep nomli bo'sh fayl qo'ying:

Terminal

mkdir -p storage/cache
touch storage/cache/.gitkeep
git add storage/cache/.gitkeep

.gitkeep - rasmiy standart emas, shunchaki kelishuv. Nomi istalgancha bo'lishi mumkin.

Ichini yashirib, papkani saqlash:

Natija

storage/cache/*
!storage/cache/.gitkeep

Global `.gitignore` #

Muharrir va tizim fayllarini har bir loyihada takrorlamaslik uchun:

Terminal

git config --global core.excludesfile ~/.gitignore_global

Natija

# ~/.gitignore_global
.DS_Store
Thumbs.db
.idea/
.vscode/
*.swp

Loyiha .gitignore siga nima yozish kerak?

Loyihaga tegishli narsalar: node_modules/, vendor/, .env.

Sizga tegishli narsalar (muharriringiz, operatsion tizimingiz) global faylga yozilishi kerak - jamoadagi boshqalar boshqa muharrirdan foydalanadi.

Tayyor shablonlar #

GitHub har bir til uchun tayyor .gitignore shablonlarini saqlaydi:

Natija

github.com/github/gitignore

Yangi repozitoriy yaratayotganda GitHub o'zi taklif qiladi. PHP loyihasi uchun namuna:

Natija

/vendor/
composer.phar
.env
.env.backup
.phpunit.result.cache
storage/*.key
public/hot
public/storage
npm-debug.log
yarn-error.log

`.gitattributes` #

Bu fayl Git ga fayllar bilan qanday ishlashni aytadi:

Natija

# Satr oxirini avtomatik boshqarish
* text=auto

# Bu fayllar har doim LF bilan
*.sh text eol=lf
*.php text eol=lf

# Bu fayllar har doim CRLF bilan
*.bat text eol=crlf

# Bu fayllar ikkilik - diff ko'rsatma
*.png binary
*.jpg binary
*.pdf binary

# Arxivga kirmasin
tests/ export-ignore
.github/ export-ignore

Diff ni chiroyliroq qilish

Natija

*.php diff=php
*.css diff=css
*.html diff=html

Bu Git ga funksiya nomlarini tanib olishga yordam beradi - diff da @@ satrida qaysi funksiya ichida o'zgarish borligi ko'rinadi.

Fayllarni vaqtincha e'tiborsiz qoldirish #

Sozlama faylini o'zgartirdingiz, lekin kommit qilmoqchi emassiz:

Terminal

git update-index --skip-worktree config/local.php

# Qaytarish
git update-index --no-skip-worktree config/local.php

# Ro'yxatni ko'rish
git ls-files -v | grep "^S"

Bu vaqtinchalik yechim

--skip-worktree faqat sizning kompyuteringizda ishlaydi va uni unutib qo'yish oson. Keyin "nima uchun mening o'zgarishim push bo'lmayapti?" degan savol tug'iladi.

To'g'ri yechim - sozlamani .env ga chiqarish va .env.example faylini repozitoriyda saqlash.

Toza holatga keltirish #

Terminal

# Kuzatilmayotgan fayllarni ko'rish (o'chirmasdan)
git clean -n

# O'chirish
git clean -f

# Papkalar bilan birga
git clean -fd

# Chetlab o'tilgan fayllarni ham
git clean -fdx

git clean -fdx qaytarib bo'lmaydi

Bu buyruq kuzatilmayotgan hamma narsani o'chiradi - shu jumladan .env faylingizni va node_modules/ ni.

Har doim avval -n bilan tekshiring:

Terminal

git clean -ndx

Amaliy topshiriq

Loyihangizda .gitignore fayl yarating.
*.log, .env va node_modules/ ni chetlab o'ting.
xato.log fayl yarating va git status da ko'rinmasligini tekshiring.
git check-ignore -v xato.log bilan qaysi qoida ishlaganini ko'ring.
Bir faylni kommit qiling, keyin uni .gitignore ga qo'shing - hali ham kuzatilayotganini ko'ring.
git rm --cached bilan uni kuzatuvdan chiqaring.
storage/cache/ papkasini .gitkeep bilan saqlang.
git mv bilan bitta faylni boshqa papkaga ko'chiring va kommit qiling.
git clean -n bilan qanday fayllar o'chirilishini ko'ring.

Xulosa #

git rm faylni ham diskdan, ham kuzatuvdan o'chiradi.
git rm --cached faylni diskda qoldiradi, faqat kuzatuvdan chiqaradi.
git mv - ko'chirish va nomini o'zgartirish uchun.
.gitignore keraksiz fayllarni kuzatuvdan chiqarib turadi.
.gitignore allaqachon kuzatilayotgan faylga ta'sir qilmaydi.
git check-ignore -v qaysi qoida ishlaganini ko'rsatadi.
Git bo'sh papkani saqlamaydi - .gitkeep ishlating.
Shaxsiy sozlamalarni global .gitignore ga chiqaring.
git clean ni har doim avval -n bilan sinang.

Keyingi bo'limda xatolarni bekor qilish yo'llarini o'rganamiz.

Faylni o'chirish #

Kuzatuvdan chiqarish, lekin diskda qoldirish #

Papkani o'chirish #

Nomini o'zgartirish va ko'chirish #

.gitignore #

Shablon qoidalari #

Allaqachon kuzatilayotgan fayl #

Tekshirish #

Bo'sh papka masalasi #

Global .gitignore #

Tayyor shablonlar #

.gitattributes #

Fayllarni vaqtincha e'tiborsiz qoldirish #

Toza holatga keltirish #

Xulosa #

Xatolik topdingizmi?

`.gitignore` #

Global `.gitignore` #

`.gitattributes` #