Softromeda Edu bepul. Va shunday qoladi.

Asosiy maqsadimiz yurtimizda ilm-fan taraqqiyotini jadal rivojlantirishdan iborat. Shuningdek, millatimizning intellektual savodxonligini yuksaltirishni o'zimizning muhim vazifamiz deb bilamiz. Shu bilan birga, xalqaro maydonda dunyo mutaxassislari bilan bemalol bellasha oladigan raqobatbardosh kadrlarning yetishib chiqishiga o'z hissamizni qo'shishni maqsad qilganmiz.

Homiylik mablag'lari qayerga yo'naltiriladi?

Bepul ta'lim platformasini saqlab qolish va yanada rivojlantirish doimiy xarajatlarni talab etadi. Sizning ko'magingiz loyihaning quyidagi oylik va haftalik ehtiyojlarini qoplashga xizmat qiladi:

• Server va domen. Sayt kecha-yu kunduz ochiq turishi, sahifalar tez yuklanishi va HTTPS ishlashi uchun.
• Yangi darsliklar yozish. Bitta darslik — bu 20 ta bo‘lim, o‘nlab kod misoli va yakuniy test. Ularning har biri yozilib, ishga tushirilib, tekshirib chiqiladi. Bu haftalab vaqt oladi.
• Eski materialni yangilab turish. Texnologiya o‘zgaradi: kutubxona versiyasi yangilanadi, buyruq sintaksisi o‘zgaradi. Eskirgan darslik — noto‘g‘ri darslik.
• Sertifikat tizimi. Berilgan sertifikatni ish beruvchi bir necha yildan keyin ham tekshira olishi kerak. Buning uchun sayt o‘sha paytda ham ishlab turishi shart.