Dockerfile asoslari

Tayyor obrazlardan foydalanishni bildik. Endi o'zimizniki ni quramiz.

Obraz Dockerfile dan quriladi - bu oddiy matn fayli bo'lib, har bir qatori bitta qadam.

Eng kichik Dockerfile #

Dokon uchun kichik xizmat yozamiz. Avval skript:

cat salom.sh

#!/bin/sh
echo "Dokon xizmati ishga tushdi"
echo "Versiya: ${DOKON_VERSIYA:-noma'lum}"

Endi uni obrazga joylaydigan Dockerfile:

FROM alpine:3.21

WORKDIR /ilova

COPY salom.sh .

ENV DOKON_VERSIYA=1.0

CMD ["./salom.sh"]

Besh qator, beshta ko'rsatma. Har birini ko'rib chiqamiz.

Qurish #

docker build -t dokon:1.0 .

-t obrazga nom va teg beradi, oxiridagi . esa qurish konteksti - Docker shu papkadagi fayllarni ko'ra oladi.

Chiqish shunday ko'rinadi:

#1 [internal] load build definition from Dockerfile
#1 transferring dockerfile: 130B done
#1 DONE 0.1s

#2 [internal] load metadata for docker.io/library/alpine:3.21
#2 DONE 0.0s

#3 [internal] load .dockerignore
#3 transferring context: 2B done
#3 DONE 0.1s

#4 [internal] load build context
#4 transferring context: 122B done
#4 DONE 0.1s

#5 [1/3] FROM docker.io/library/alpine:3.21@sha256:48b0309ca019d8...
#5 DONE 0.1s

#6 [2/3] WORKDIR /ilova
#6 DONE 0.1s

#7 [3/3] COPY salom.sh .
#7 DONE 0.1s

#8 exporting to image
#8 naming to docker.io/library/dokon:1.0 done
#8 DONE 0.5s

Obraz tayyor. Ishga tushiramiz:

docker run --rm dokon:1.0

Dokon xizmati ishga tushdi
Versiya: 1.0

Qatlamlarni tekshirish #

docker history dokon:1.0 --format 'table {{.Size}}\t{{.CreatedBy}}' \
    | cut -c1-70

SIZE      CREATED BY
0B        CMD ["./salom.sh"]
0B        ENV DOKON_VERSIYA=1.0
12.3kB    COPY salom.sh . # buildkit
8.19kB    WORKDIR /ilova
0B        CMD ["/bin/sh"]
8.5MB     ADD alpine-minirootfs-3.21.7-x86_64.tar.gz /…

Pastdagi ikki qator - alpine:3.21 dan meros. Yuqoridagi to'rttasi bizniki. CMD va ENV kutilganidek 0B.

WORKDIR esa 8.19 kB - u bo'sh papka yaratdi, ya'ni fayl tizimini biroz o'zgartirdi.

Asosiy ko'rsatmalar #

RUN bilan buyruq bajarish #

RUN qurish paytida ishlaydi va natijasi obrazga yoziladi:

FROM alpine:3.21

RUN apk add --no-cache curl

WORKDIR /ilova
COPY salom.sh .
CMD ["./salom.sh"]

--no-cache muhim: usiz apk paket indeksini obraz ichida qoldiradi va obraz bekorga kattalashadi.

RUN apk add --no-cache curl \
    && curl -o /ilova/ma.json https://misol.uz/ma \
    && rm -rf /var/cache/apk/*

Qurish konteksti va .dockerignore #

docker build . dagi nuqta - Docker ga butun papkani yuboradi. Papkada .git, node_modules yoki maxfiy fayllar bo'lsa, ular ham ketadi.

.dockerignore buni cheklaydi:

maxfiy/
*.log

Sinab ko'ramiz. Papkada maxfiy/kalit.txt va katta.log bor; Dockerfile esa hamma narsani ko'chiradi:

FROM alpine:3.21
WORKDIR /ilova
COPY . .
CMD ["ls", "-1", "/ilova"]

docker run --rm dokon:2.0

Dockerfile
salom.sh

maxfiy/ ham, katta.log ham obrazga tushmadi. .dockerignore faylining o'zi ham ko'chirilmadi - Docker uni avtomatik chetlab o'tadi.

.git
.env
*.log
node_modules

WORKDIR papkani yaratadi #

docker run --rm dokon:2.0 pwd

/ilova

Papka Dockerfile da yaratilmagan edi - WORKDIR uni o'zi yaratdi va joriy papka qilib qo'ydi.

ENV va uni almashtirish #

Obrazdagi o'zgaruvchi konteynerda ko'rinadi:

docker run --rm dokon:1.0 env | grep DOKON

DOKON_VERSIYA=1.0

Ishga tushirishda uni almashtirish mumkin:

docker run --rm -e DOKON_VERSIYA=2.5 dokon:1.0

Dokon xizmati ishga tushdi
Versiya: 2.5

Obraz o'zgarmadi - faqat shu konteyner boshqa qiymat bilan ishladi. Bu bitta obrazni turli muhitlarda ishlatish uchun asosiy usul; 10-bobda batafsil ko'ramiz.

CMD ni almashtirish #

CMD - standart buyruq, majburiy emas:

docker run --rm dokon:1.0 echo "boshqa buyruq"

boshqa buyruq

./salom.sh umuman ishlamadi. Obraz oxiridagi buyruq echo bilan almashtirildi.

Buni o'zgarmas qilish kerak bo'lsa, ENTRYPOINT ishlatiladi - keyingi bobda ikkalasini batafsil solishtiramiz.

Xulosa #

• Obraz Dockerfile dan quriladi; har bir ko'rsatma bitta qadam.
• FROM birinchi bo'lishi shart - u asos obrazni tanlaydi.
• WORKDIR ishchi papkani belgilaydi va yaratadi.
• COPY hostdan obrazga fayl ko'chiradi; ADD faqat arxiv ochish kerak bo'lganda.
• RUN qurish paytida bajariladi va natijasi obrazga yoziladi; har bir RUN - alohida qatlam.
• Keyingi qatlamda rm qilish obrazni kichraytirmaydi - fayl oldingi qatlamda qoladi.
• ENV va CMD 0B: ular metama'lumot, fayl qatlami emas.
• docker build -t nom:teg . - oxirgi nuqta qurish konteksti, ya'ni Docker ko'radigan papka.
• .dockerignore keraksiz va maxfiy fayllarni kontekstdan chiqaradi; har bir loyihada bo'lishi kerak.
• CMD ni ishga tushirishda almashtirish mumkin, -e bilan esa ENV qiymatini.